سوا كبرنا
..........
سوا من الصغر شبكنا ايدينا
وسوا لعبنا وسوا مشينا وسوا حكينا
وبعد ما كبرنا وكبرت امانينا
وصرنا بالحب والشوق
ننعم وتحلا ليالينا
معقول كل واحد فينا
يمشي بطريق وننسى حتى اسامينا
معقول كنار الحب يفل وينسى اغانينا
وطير الهدد يسكت بانغامو
اللي كان يغنيها لينا
والفراق يقتل الشوق والحب
ويقتل كل ما فينا
عالبعد ما تعودنا ولا بنعرفو
ولا كنا بنعرف مآسينا
واليوم كل شي بينا مات
وماتت معانيننا
ويلعن بي الفراق والبعد بالأسى
والعزاب عيشونا وفيهن ماحيينا
وانكتب عالقلوب من بعد الصغر
يكبرو وتجف بكبرهن عينينا
ونبقى باقي العمر عايشين
والروح للقهر والجروح مسلمينا
وهيك حكايتنا يارفيق
العمر كتبنا نهايتها بايدينا
وكل واحد فينا بحياتو
يذكر ولادو بكرا فينا
والدمعات عالخدود تمشي
متل ما عالشوك و بالعزاب مشينا
على مهل وعلى الجمر والنار
كوينا ايامنا وانكوينا
وخلي حكايتنا نذكرها
ونحكيها ونذكرما فيها
...هي... اذا كنا لسه متذكرين اسامينا
......
عثمان الأقرع ...سوريا
ليست هناك تعليقات:
إرسال تعليق