بيروت يا إم الدني والعز يابيروت
شوقي وحنيني إلك إلهام رباني
بقلوب اسود من فحم هدموابيوت
تفجير كليتو غضب والفعل شيطاني
خلوا الرعب والبلا عاكل بيت يفوت
وفوضى تعم البلد والموت مجاني
واليوم بانوا العدى هرت وراق التوت
ميت بقلب اﻹلن كل شيء إنساني
بيروت حبي إلك بيشبه لغم موقوت
من حقل شلتو أنا زرعتو بوجداني
ومهما يجور الزمن مابيلتقى تابوت
يوسع بقلب اﻹلو وﻻضفر لبناني
بتموت كل الدني وبيروت مابتموت
بقوة إله الهرش بيروت منصاني
بقلمي
الشاعر عيسى وسوف باظة
ليست هناك تعليقات:
إرسال تعليق